روس: دریا دا پانی اچانک لال ہو گیا، علاقا واسی پریشان

روس(پاکستان پوائنٹ نیوز08۔ستمبر2016ء) روس دے اک شہر وچ دریا دے پانی دا رنگ لال ہوگیا۔ تفصیل دے مطابق نارلکس نامی روسی شہر دے باہروں لنگھن والے دریا دا پانی اچانک لال ہو گیا۔ پانی دے لال ہون پاروں علاقا واسی ڈاڈھے پریشان ہو گئے۔ سائبیرین ٹائمز دی رپورٹ دے مطابق سوشل میڈیا اُتے گھمن والیاں تصویراں وچ ویکھیا گیا اے کہ روس دے نارلکس شہر وچ واقع دریا دے پانی دا رنگ لال ہو گیا۔ علاقا واسیاں نے ایس حوالے نال دسیا اے کہ ممکنا طور اُتے کول ای موجود فیکٹری توں آن والے کیمیائی موادپاروں دریا دے پانی دا رنگ لال ہو یا ہووے گا ۔ پر ایس حوالے نال تحقیقات شروع کر دِتیاں گئیاں نیں۔