نویں دِلی(پاکستان پوائنٹ نیوز26۔فروری2018ء) بھارتی مسلماناں لئی خطرے دی گھنٹی وج گئی۔ ریاست آسام وچ موجود 34فیصد مسلماناں نوں بنگالی قرار دے کے ملک بدر کرن دا منصوبہ تیار کر لیا گیا اے، گھٹو گھٹ 20لکھ بنگالی مسلمان شہریت تے قومیت توں محروم ہون والے نیں۔ تفصیل مطابق سیکولرازم دا راگ الاپن والے بھارت وچ دِنوں دن انتہا پسندی ودھ رہی اے۔ تازہ اطلاع مطابق بھارتی مسلماناں لئی خطرے دی گھنٹی وج گئی ۔
ریاست آسام وچ پچھلی اک صدی توں موجود بنگالی مسلماناں نوں ملک بدر کرن دا منصوبہ تیار کر لیا گیا اے۔ بھارتی شدت پسند تنظیم ’آر ایس ایس‘ حکمران جماعت بی جے پی تے اتحادی جماعتاں دا کہنا اے کہ آسام وچ لکھاں غیر قانونی بنگلا دیشی پر واسی آکے کے وسے سن جہناں نوں کڈھن لئی سبھ توں پہلاں اوہناں د اناں بھارتی ووٹر لسٹاں توں کڈھنا ضروری اے۔ بی جے پی دے ریاستی صدر رنجیب داس نے وی ایس حوالے نال تصدیق کردے ہوئے آکھیا اے کہ ایہناں ساریاں دے ناں ووٹر لسٹاں توں باہرکڈھ کے ووٹ دا حق ختم کیتا جائے گا۔ وسیلیاں مطابق ایس فیصلے مگروں گھٹو گھٹ 20لکھ بنگالی مسلمان شہریت تے قومیت توں محروم ہو جان گے۔
