بھارت(پاکستان پوائنٹ نیوز10۔فروری2018ء) بھارتی ائر لائن نے 410کلو بھاری بندے نوں جہاز دا ٹکٹ دین توں انکارکر دتا۔ تفصیل مطابق ماریش توں تعلق رکھن والے 410کلو بھارتی بندے نوں بھارتی ائر لائن نے ٹکٹ دین توں انکار کرد تا۔ ٹکٹ نہ ملن دی وجہ توں ذکر کیتے گئے بندے نوں اُچیچی تیار کیتی گئی گڈی راہیں بھارتی شہر اندور گھلیا گیا۔ بھارتی میڈیا مطابق ماریش توں تعلق رکھن والے ایس بھاری بندے دا بھارتی ہسپتال وچ علاج کیتا جا رہیا اے۔
ڈاکٹراں مطابق مڈھلے علاج مگروں اوہنے 30کلو بھار گھٹ کر لیا اے جدکہ بھارت دے شہر اندور دے اک ہسپتال وچ اوس بندے دا آپریشن وی کیتا گیا سی۔ماریش دے ڈاکٹراں نے ذکر کیتے گئے بندے دا اعلاج کرن توں انکار کیتا سی کیونکہ ڈاکٹراں مطابق اوہدے آپریشن وچ بہت خطرے پیش آ سکدے نیں۔ جہدے مگروں ماریش ائر لائنز توں اوہنے اپنے لئی 3بزنس کلاس دیاں سیٹاں بک کروائیاں۔دوجے پاسے ہندوستانی ائر لائنز والیاں نے اوہنوں اندور لیان لئی جہاز دا ٹکٹ دین توں انکار کر دتا ۔ جہدے مگروں اوہ اُچیچی اپنے لئے تیار کیتی گئی کار راہیں اندور آیا۔
