اسلام آباد(پاکستان پوائنٹ نیوز12۔فروری2018ء) سعودی ولی عہد محمد بن سلمان نے شریف برادران نال ناراضگی دا اظہار کرد تا۔ میڈیا رپورٹس مطابق سعودی ولی عہد محمد بن سلمان دے دفتروں اک اُچیچا پیغام شریف برادران نوں گھلیا گیا۔ پیغام وچ آکھیا گیا کہ نواز شریف نے وعدہ خلافی کیتی۔ سعودی ولی عہد دے ایس پیغام وچ وزیر اعلا پنجاب شہباز شریف تے نواز شریف دے مصالحت کار ڈاڈھے پریشان نیں۔
پیغام وچ ہور آکھیا گیا کہ نواز شریف نے سعودی عرب دے دورے دوران بہت ساریاں یقین دہانیاں کروائیاں پر ملک واپس اپڑدے ای اوہ وعدے توں پِھڑ گئے۔ میڈیا رپورٹ مطابق نواز شریف نوں سعودی ولی عہد دے دفتر توں ایہ پیغام ہفتے نوں گھلیا گیا۔ چیتے رہوے کہ دسمبر 2017وچ وزیر اعلا پنجاب میاں شہباز شریف سعودی حکومت ولوں گھلے گئے اُچیچے جہاز وچ سعودی عرب گئے جہدے مگروں نواز شریف نے وی سعودی عرب دا دورہ کیتا تے اوتھے شریف برادران نے سعودی حکام نال ملاقاتاں کیتیاں۔
