جامعہ نظامیہ نے جھینگے کھان خلاف فتوی جاری کر دتا

بھارت(پاکستان پوائنٹ نیوز06۔جنوری2018ء) بھارتی ریاست تلنگانا دے شہر حیدر آباد وچ موجود جامعہ نظامیہ نے جھینگے کھان خلاف فتوی جاری کر دتا اے۔ تفصیل مطابق ایہ فتوی چالو ورھے دے شروع وچ پہلی جنوری نوں جاری کیتا گیا۔ ٹائمز آف انڈیا وچ چھپن والی رپورٹ مطابق ایہ فتوی جامعہ نظامیہ دے چیف مفتی محمد عظیم الدین ولوں جاری کیتا گیا اے۔ فتوے وچ آکھیا گیا کہ جھینگے مچھی دی کسے قسم نال تعلق نہیں رکھدے۔ اوہناں نے آکھیا کہ جھینگا مکروہ تحریم اے جہدا مطلب اے کہ اوہدا کھانا حرام کھانا تے غیر واجب اے۔