لندن(پاکستان پوائنٹ نیوز06۔جنوری2018ء) برطانیہ وچ اسلام قبول کرن والیاں دی گنتی اک لکھ توں ودھ گئی اے۔ برطانیہ وچ عام بندے تیزی نال اسلام ول آ رہے نیں، پچھلے کُجھ ورھیاں وچ اک لکھ توں ودھ بندیاں اسلام قبول کیتا اے۔ جہناں وچوں وڈی گنتی چِٹ چمڑی نوجوان تے سوانیاں دی اے جدکہ پچھلے ورھے 5000توں ودھ برطانوی شہریاں نے اسلام قبول کیتا اے۔ پچھلے 10ورھیاں دے مقابلے وچ برطانیہ وچ اسلام قبول کرن والے بندیاں دی گنتی ودھ گئی اے۔
ایہناں وچوں وڈی گنتی نوجوان چِٹ چمڑی سوانیاں دی اے جو معاشرے دی بے راہ روی تے مادہ پرستی توں مطمئن نہیں۔ ایہ سوانیاں روحانی سکون دی بھال وچ نیں جو اوہناں نوں اسلام وچ ملیا اے۔ برطانیہ دی مذہبی تنظیم ’فیتھ میٹرز‘ دے سروے مگروں آکھیا اے کہ برطانیہ وچ اسلام تیزی نال ودھ رہیا اے تے اوہنوں قبول کر ن والیاں سوانیاں و مرداں دا کہنا اے کہ اسلام اُتے عمل کر کے برطانیہ وچ سوکھی زندگی لنگھائی جا سکدی اے۔
