ٹورنٹو(پاکستان پوائنٹ نیوز05۔جنوری2018ء) کینیڈا وچ وِکن والے چین دے نقشے وچ جمعوں و کشمیر نوں بھارت دا حصہ نہیں وکھایا گیا ۔ جمعوں کشمیر خطے دا اک جھیڑو ا حصہ اے جہدے اُتے بھارت پوری ہٹ دھرمی نال قبضہ کیتے بیٹھا اے تے اقوام متحدہ دیاں قرارداداں مگروں وی اپنی ہٹھ اُتے قائم اے۔ ایس موقف دی وجہ توں بھارت نوں پورے خطے وچ مزاحمت دا ساہمنا اے۔
ایس حوالے نال کینیڈا وچ چین دا وِکن والا نقشہ وائرل ہو رہیا اے۔ نقشے وچ آزاد کشمیر نوں تے پاکستان دا حصہ وکھایا گیا اے پر مقبوضہ کشمیر نوں بھارت دا حصہ وکھان دی بجائے اوہنوں جھیڑوا وکھایا گیا اے جو کہ پاکستان دے موقف دی تائید اے۔ ایس توں وکھ نقشے وچ اروناچل پردیش نوں چین دا حصہ وکھایا گیا اے۔ میڈیا رپورٹ مطابق ایہ نقشہ سماجی رابطیاں دی ویب سائٹس اُتے وائرل ہو گیا اے۔
