لاہور(پاکستان پوائنٹ نیوز01۔جنوری2018ء) امریکا نے پاکستان نوں ڈومور دی بجائے نومور دی دھمکی دتی اے، امریکی صدر ڈونلڈ ٹرمپ دا کہنا اے کہ پاکستان نوں 15ورھیاں وچ 33ارب ڈالر امداد دے بیوقوفی کیتی پر پاکستان نے ہمیشہ جھوٹھ بولیا تے دھوکھا دتا، پاکستان دہشت گرداں نوں محفوظ تھاواں دیندا اے، اافغانستان وچ سانوں معمولی مدد ملدی اے، ہُن اِنج نہیں چلے گا۔
میڈیا رپورٹس مطابق امریکی صدر ڈونلڈ ٹرمپ نے سوشل میڈیا اُتے جاری اپنے ٹویٹ وچ پاکستان نوں اک وار فیر دھمکی دتی اے کہ پاکستان امریکی قیادت نوں بے وقوف سمجھدا اے۔ ٹرمپ دا کہنا اے کہ پاکستان نوں 15ورھیاں وچ 33ارب ڈالر امداد دے کے بیوقوفی کیتی پر پاکستان نے امداد دے بدلے سانوں کُجھ نہیں دتا بلکہ ہمیشہ ساڈے نال جھوٹھ بولیا۔ ہن پاکستان نوں کُجھ نہیں ملے گا۔ امریکی صدر ڈونلڈ ٹرمپ نے آکھیا کہ پاکستان دہشت گرداں نوں محفوظ تھاواں دیندا اے جدکہ افغانستان وچ دہشت گرداں نوں نشانہ بنان وچ وی معمولی مدد ملدی اے۔ پر ہن اِنج نہیں چلے گا۔
