دبئی: نویں سال دی خشی وچ برج خلیفہ اُتے آتش بازی نہیں ہوئے گی

دبئی(پاکستان پوائنٹ نیوز30۔دسمبر2017ء) سرکاری وسیلیاں نے بدھ دے دیہاڑے اعلان کیتا اے کہ ایس سال 31دسمبر دی شام برج الخلیفہ اُتے نویں سال دی خشی وچ کوئی آتش بازی نہیں ہوئے گی پر دنیا بھر توں آن والے سیاحاں لئی آتش بازی دی بجائے روشنیاں دا اک شو منعقد کیتا جائے گا۔ دبئی دے ماسٹر ڈویلپر امار نے جو برج الخلیفہ تے دبئی مال دامالک اے، نے ایس سال نویں سال دی خشی وچ روشنیاں دا اک انوکھا شو پیش کرن دا آکھیا اے ۔ امار نے فیس بک اُتے جاری کیتی گئی ویڈیو آکھیا کہ ایس سال تُسیں اوہ دبئی ویکھو گئے جو تُسیں اج تیکر نہیں ویکھیا ہوئے گا۔اوہناں دا کہنا سی کہ دبئی ڈاون ٹاؤن وچ ایس سال روشنیاں دا اک انوکھا میلا ویکھن نوں ملے گا جو کسے نے اج تیکر نہیں ویکھیا ہوئے گا۔