جدہ(پاکستان پوائنٹ نیوز28۔دسمبر2017ء) سعودی عر ب سول ایوی ایشن دی جنرل اتھارٹی دے سربراہ عبدالحاکم ال تمیمی نے اعلامیہ جاری کیتا اے کہ جدہ دا نواں قومانتری کنگ عبدالعزیز ائر پورٹ مئی 2018وچ کھول دتا جائے گا۔ عبدالحاکم ال تمیمی نے ایہ اعلامیہ مکہ المکرمہ وچ ہون والی تعمیراتی منصوبیاں دی کانفرنس دوران جاری کیتا۔ال تمیمی نے آکھیا کہ ایہ ائر پورٹ حج تے عمرے لئی آن جان والے لوکاں بہترین وسیلا اے۔
2017وچ 1648,906بندے حج لئی ہوائی سروس راہیں ریاست وچ آئے جدکہ 5,664208بندے عمرے لئی آئے۔ اوہناں نے ہور آکھیا کہ کنگ عبدالعزیز ائر پورٹ اک میگا پراجیکٹ اے جو 810,000مربع میٹر دے ٹرمینلز اُتے مشتمل اے۔ ایس توں وکھ سفری سہولتاں دی فراہمی لئی 200کاؤنٹرز بنائے گئے نیں جدکہ آٹومیٹک سروس لئی 80کاؤنٹرز موجود نیں۔
