سعودی عرب: کسٹم حکام نے20ہزار توں ودھ شراب دیاں بوتلاں قبضے وچ لے لئیاں، 2ملزم گرفتار

ریاض(پاکستان پوائنٹ نیوز31۔اکتوبر2017ء) سعودی کسٹم افسراں نے مقامی میڈیا نال گل بات کردے ہوئے آکھیا کہ سعودی عرب نوں متحدہ عرب امارت نال جوڑن والی البطحاء سرحدی چوکی دے کسٹم افسر نے 20484شراب دیاں بوتلاں سمگل کرن دی کوشش اُتے اک سعودی تے اک ایشائی شہری نوں گرفتا رکر دے ہوئے شراب دیاں بوتلاں نوں قبضے وچ لے لیا اے۔ ایشیائی شہری شراب دیاں بوتلاں ٹرک وچ لُکا کے سمگل کر رہیا سی۔ شراب دیاں بوتلاں 511پھلاں دیاں ٹوکریاں وچ لُکائیاں گئیاں سن۔ کسٹم افسر نے جدوں ٹرک دی تلاشی لئی تے شراب برآمد ہوئی۔ جہدے مگروں دوویں مجرماں نوں گرفتار کر دے ہوئے اوہناں نوں 1025400ریال جرمانہ کر دتا اے۔