جہاد دا اعلان کرنا صرف ریاست دا اختیار اے: امام کعبہ

ریاض(پاکستان پوائنٹ نیوز31۔اکتوبر2017ء) امام کعبہ ڈاکٹر شیخ صالح بن عبداللہ بن حمید نے آکھیا اے کہ داعش تے القاعدہ ورگیاں دہشت گرد تنظیماں دا اسلام نال کوئی تعلق نہیں۔ اسلام اصل وچ امن دا مذہب اے۔ میڈیا رپورٹس امام کعبہ دا کہنا سی کہ فرقہ پسندی اک لعنت اے تے ایہنوں ختم کرن لئی کلمہ حق دی پیروی کردے ہوئے آپسی اختلافات ختم کرنے چاہیدے۔ امام کعبہ نے دسیا کہ جہاد دا اعلان کرنا صرف ریاست دا اختیار اے، کوئی گروپ یاں تنظیم ایہدا اعلان نہیں کر سکدی۔ اوہناں نے آکھیا کہ قرآن پاک وچ اللہ تعالی آکھدا اے کہ بغیر کسے وجہ دے اک بندے دا قتل پوری انسانیت دا قتل اے۔ امام کعبہ دا کہنا سی کہ آپسی اختلافات تے عدم برداشت دی وجہ توں مسلم ملک اوکڑاں دا شکار نیں۔