چین دی ویٹ لفٹنگ ٹیم اُتے اک سال لئی پابندلگ گئی

ماسکو(پاکستان پوائنٹ نیوز27۔اگست 2016ء) چین دی ویٹ لفٹنگ ٹیم اُتے مسلسل ڈوپنگ مسائل پاروں اک سال لئی پابندی لا دِتی گئی اے۔ تفصیل دے مطابق انٹرنیشنل ویٹ لفٹنگ فیڈریشن (آئی ڈبلیو ایف) نے تصدیق کردے ہوئے آکھیا کہ 2008 دے پجنگ اولمپکس دے دوران ڈوپ ٹیسٹ وچ ناکام ہون والے تِن کھڈاریاں دے کیساں وچ اوہ گناہ گار ثابت ہوئے نیں ایس لئی انٹرنیشنل اولمپک ولوں ایہناں کھڈاریاں نوں نااہل قرار دِتا گیا اے۔ آئی ڈبلیو ایف دے ترجمان للا روز گونئی نے دسیا کہ چالو ورھے جون وچ بنائے گئے آئی ڈبلیو ایف بورڈ دے قانون مطابق چین دے تِن گولڈ میڈلٹس کاؤلی، چن ڑیکیا تے لیو چون ہونگ پابندی دا دائرے وچ آوندے نیں۔