امریکا دا اک وار فیرپاکستان توں دہشت گرداں خلاف کارروائی دا مطالبا

امریکا دا اک وار فیرپاکستان توں دہشت گرداں خلاف کارروائی دا مطالبا

واشنگٹن(پاکستان پوائنٹ نیوز26۔اگست 2016ء) امریکا نے اک وار فیر پاکستان توں دہشت گرداں خلاف بغیر فرق دے کارروائی دا مطالبا کردے ہوئے آکھیا اے کہ شدت پسنداں خلاف اسلام آباد تے کابل نوں کارروائی کرنی ہووے گی۔ امریکی دفتر خارجا دی ترجمان الزبتھ ٹروڈو نے پرچا کاراں نوں دسیا کہ دہشت گردی خلاف جنگ وچ پاکستان تے افغانستان نوں آپس وچ تعاون ودھانا ہووے گا۔

اوہناں نے آکھیا کہ پاکستان وچ عسکریت پسنداں دے محفوط ٹھکانیاں دے حوالے نال کئی وار اپنے تحفظات دا وکھالا کیتا اے۔ اوہناں نے آکھیا کہ پاکستان دیاں ہتھیار بند فوجاں دے سربراہ جنرل راحیل شریف دہشت گرداں خلاف بغیر فرق کارروائی دا بیان دے چکے نیں، ایس لئی پاکستان دہشت گرداں خلاف بغیر فرق کارروائیاں کرے۔ ترجمان امریکی دفتر خارجا نے آکھیا کہ افغانستان دے دارلحکومت کابل وچ امریکی یونیورسٹی اُتے حملے دی ذمے واری دے حوالے نال کُجھ نہیں آکھ سکدے پر یونیورسٹی اُتے حملے دے بعد شدت پسنداں خلاف اقدامات دی لوڑ اے۔

اک سوال دے جواب وچ اوہناں نے آکھیا کہ امریکا ایس گل دی حوصلا افزائی کردا اے کہ پاکستان تے افغانستان دوویں رلکے کم کرن تاں جے آن والے ویلے وچ ایس طرحاں دے واقعات نہ ہون۔