دبئی(پاکستان پوائنٹ نیوز16۔اکتوبر2017ء) دبئی ائر پورٹ اُتے 28ورھیاں دے اردنی سیاح نوں اسلام تے مسلماناں دی توہین کرن اُتے تن مہینے دی جیل دی سزا سنائی گئی اے۔ دبئی ائر پورٹ پولیس نے مقامی میڈیا نال گل بات کرد ے ہوئے آکھیا کہ اردنی شہری دبئی ائر پورٹ اُتے سو رہیا سی۔ پولیس نے جدوں اوہنوں جگایا تے ویکھیا کہ اوہ نشے وچ دھت سی۔ پولیس نے اوہنوں ڈاکٹری امداد دین دی کوشش کیتی پر اوہنے رب نوں بُرا بھلا آکھن دے نال نال مسلماناں دے عقیدے نوں مندا کہنا شروع کر دتا۔
جہدے اُتے پولیس نے اوہنوں گرفتار کر لیا تے پراسیکیوشن نے اوہنوں تن مہینے جیل دی سزا سنان مگروں ملک بدر کرن دا حکم سنایا۔ پولیس نے مقامی میڈیا نال گل بات کردے ہوئے دسیا کہ ذکر کیتے گئے بندے نوں ایتوار دے دیہاڑے گرفتار کیتا گیا۔
