متحدہ عرب امارات دا ایران دے حوالے نال نویں امریکی پالیسی دی مکمل حمایت دا اعلان

ابوظہبی(پاکستان پوائنٹ نیوز14۔اکتوبر2017ء) متحدہ عرب امارات نے ایران دے حوالے نال نویں امریکی پالیسی دی مکمل حمایت دا اعلان کردے ہوئے آکھیا اے کہ ایران خطے تے پوری دنیا وچ دہشت گردی کھلارن دا ذمے وار اے‘ ایران ولوں دہشت گردی دی حمایت اُتے مبنی پالیسیاں قومانتری امن لئی خطرہ نیں۔ غیر ملکی میڈیا مطابق ابوظہبی ولوں جاری کیتے گئے اک بیان وچ آکھیا گیا اے کہ ایرانی پالیسیاں خطے وچ امن و استحکام نوں تباہ کر رہیاں نیں۔ تہران دنیا بھر وچ دہشت گرداں دی مدد کر رہیا اے جہدے نتیجے وچ انتہا پسندی وچ وادھا ہو رہیا اے۔ بیان وچ آکھیا گیا اے کہ امارات امریکا تے ہور بیلی ملکاں نال رلکے خطے نوں پیش ایرانی خطریاں نال نبڑن لئی ہر ممکن اقدام کرے گا۔