جنسی زیادتی دی ناکام کوشش مگروں ماں نوں قتل کرن والا نوجوان گرفتار

بھوپال(پاکستان پوائنٹ نیوز10-۔اکتوبر2017ء) مدھیا پردیش پولیس نے جنسی زیادتی دی ناکام کوشش کرن مگروں ماں نوں قتل کرن والے نوجوان نوں گرفتار کر لیا اے۔ تفصیل مطابق مدھیا پردیش پولیس نے 24ورھیاں دے سوراج متل نوں گرفتار کر لیا اے۔ سوراج متل نے اپنی ماں نال جنسی زیادتی دی بھرپور کوشش کیتی پر ماں ولوں زبردست مزاحمت نے جنسی درندے نوں اوہدے مقصد وچ کامیاب نہ ہون دتا۔اپنی ناکام کوشش اُتے سوراج نے غصے وچ آ کے اپنی ماں قتل کر دتا۔ پولیس نے سوراج دی ماں دی لاش برآمد کر کے تفتیش دا گھیرا ودھا دتا اے۔ علاقہ واسیاں دا کہنا اے کہ سوراج متل شراب دا عادی اے جدکہ اوہدی ماں لکشمی دا خاوند یعنی سوراج دا پیو 8ورھے پہلے فوت ہو گیا سی۔ جہدے مگروں سوراج متل اپنی ماں نال رہندا سی۔