تھائی لینڈ: 2 بم دھماکیاں وچ 1 بندا ہلاک‘ 30 زخمی

بنکاک(پاکستان پوائنٹ نیوز24۔اگست 2016ء) جنوبی تھائی لینڈ وچ اک ہوٹل دے نیڑے دو بم دھماکیاں دے نتیجے وچ اک بندا ہلاک تے 30 زخمی ہوگئے۔ تھائی لینڈ دے میڈیا دے مطابق ایہ دھماکے منگل دی رات صوبا پاتانی دے علاقے وچ ہوئے، پہلا دھماکا سدرن ہوٹل دی کار پارکنگ وچ ہویا، جہدے نتیجے وچ کوئی نقصان نہیں ہویا جدکہ ایس دھماکے دے 20 منٹ بعد ہوٹل دے باہر بارود نال بھری اک کار دے دھماکے پاروں ہوٹل دا اک ملازم ہلاک تے 30بندے زخمی ہو گئے۔