بنگلا دیش: 5 مشکوک بندے گرفتار

ڈھاکا(پاکستان پوائنٹ نیوز24۔اگست 2016ء) بنگلا دیش دی سکیورٹی فورسز نے دارلحکومت ڈھاکا وچ چھاپیاں دے دوران 5 مشتبا بندیاں نوں گرفتار کر لِتا اے۔ جہناں نوں کُجھ دن پہلے ہون والے دھماکیاں دا ذمے وار قرار دِتا گیا اے۔ جرمن میڈیا دے وسیلیاں دے مطابق سکیورٹی حکام نے آکھیا اے کہ گرفتار ہون والیاں وچ رشید الزماں وی شامل اے جو 2006 توں 2012 تیکر کینیڈا توں اعلا تعلیم حاصل کر چکیا اے جہنے کُجھ دن پہلے ای کالعدم انتہا پسند گروپ جمعیت المجاہدین بنگلا دیش دے علاقائی سربراہ دیاں ذمے واریاں سنبھالیاں سن۔ جدکہ ایہناں عسکریت پسنداں دے خفیا ٹھکانیاں توں اسلحا تے گولا بارود وی برآمد کیتا گیا اے۔