شارجہ: ٹریفک قانون دیاں خلاف ورزیاں نوں پھڑن لئی موبائل راڈار سرگرم

شارجہ(پاکستان پوائنٹ نیوز16۔ستمبر2017ء) شارجہ پولیس نے ٹریفک قانون دیاں خلاف ورزیاں نوں پھڑن لئی پورٹیبل راڈارز لانچ کر دتے نیں۔ سوشل میڈیا اُتے شارجہ پولیس ولوں اک ویڈیو جاری کیتی گئی اے ۔ ویڈیو وچ ٹریفک پولیس افسر نوں شہریاں نوں ٹریفک قانون دی خلاف ورزی توں روکن لئی راڈار سسٹم دی ورتوں کردے وکھایا گیا اے۔ ٹریفک پولیس افسر نے مقامی میڈیا نال گل بات کردے ہوئے آکھیا کہ دنوں دن ودھدی تیز ٹریفک دی وجہ توں شیخ بن محمد زید روڈ‘ ملیحہ روڈ تے ال وحید ہائی وے اُتے راڈار لائے گئے نیں۔ اوہناں نے ہور دسیا کہ راڈار سسٹم لانچ کرن دا ایہ کم شہریاں دی حفاظت لئی ای کیتا گیا اے۔ اوہناں نے شہریاں توں درخاست کیتی اے کہ اوہ متھی گئی سپیڈ اُتے گڈی چلان۔