واشنگٹن(پاکستان پوائنٹ نیوز16۔ستمبر2017ء) بھارت دے ڈھیٹھ پنے کارن پاکستان تے بھارت وچکار پانی دے معاملے اُتے ہون والے مذاکرات ناکام ہو گئے‘ بھارت ایس حوالے نال پاکستان دے تحفظات دور نہ کر سکیا۔ تفصیل مطابق واشنگٹن وچ عالمی بنک دے ہیڈ کواٹرز وچ پاک بھارت آبی سیکرٹری سطح دے مذاکرات ناکام ہو گئے۔ مذاکرات وچ بھارت کشن گنگا‘ تییل ہائیڈرو الیکٹرک پلانٹ دی اُساری بارے پاکستان دے تحفظات دور نہ کر سکیا۔
وسیلیاں مطابق پاک بھارت آبی سیکرٹری خارجا مسئلا حل کرن لئی فورم دے چناؤ اُتے اتفاق نہ کر سکے۔ بھارت دے ڈھیٹھ پنے کارن پیش کیتی گئی اک وی آپشن اُتے اتفاق نہ ہو سکیا۔ پاکستان نے سمجھوتے دے تحت عالمی بنک توں ثالثی کورٹ پینل بنان دا مطالبہ کیتا اے۔ چیتے رہوے کہ مذاکرات وچ پاکستانی وفد دی قیادت سیکرٹری واٹر ریسورس ڈویژن عارف احمد کر رہے سن جدکہ پانی و بجلی دی وزارت دے سیکرٹری یوسف نسیم کھوکھر‘ انڈس واٹر ٹریٹی دے لئی ہائی کمشنر مراز آصف بیگ تے جوائنٹ سیکرٹری پانی سید مہر علی شاہ وی وفد وچ شامل نیں۔
