اسلام آباد(پاکستان پوائنٹ نیوز11۔ستمبر2017ء) پاکستان نیشنل شپنگ کارپوریشن نے دبئی‘ مسقط‘ اومان‘ گوادر تے چاہ بہار ایران تیکر فیری سروس شروع کرن دا فیصلا کر لیا جہدے وزارت پورٹس اینڈ شپنگ نے منظوری دے دتی اے۔ دستاویزات مطابق ایہ فیری سروس دبئی‘ مسقط‘ اومان‘ گوادر تے چاہ بہار ایران تیکرشروع کیتی جائے گی۔حکام مطابق ایہ سروس پہلاں کراچی توں گوادر تے چاہ بہار ایران تیکر شروع کیتی جائے گی۔
پی این ایس سی نے مسافراں دیاں سہولتاں تے سکیورٹی لئی وزارت دفاع‘ وزارت خارجا تے وزارت داخلا نال رابطہ کر لیا اے۔ مسافراں لئی کینٹین‘ پارکنگ تے ریسٹ رومز لئی پورٹ اتھارٹیز نوں ہدایتاں جاری کر دتیاں گئیاں نیں۔ دستاویزات مطابق ایس توں وکھ فیریز دی خریداری لئی سکروٹنی دا کم شروع کر دتا گیا اے۔ یاد رہوے کہ 7نومبر 2015نوں پاکستان تے ایران وچکار فیری سروس شروع کرن بارے معاملات طے ہوئے سن جدکہ 2014وچ فیری سروس زائرین لئی شروع کرن دی تجویز دتی گئی سی پر ہن ایس سروس نوں تجارتی مقصداں لئی وی ورتیا جا سکے گا۔
