غرناطہ(پاکستان پوائنٹ نیوز11۔ستمبر2017ء) سپین دے شہر غرناطہ دے الحمبرا محل وچ پنج سو ورھیاں بعد اذان دی اواز سنائی دتی۔ تفصیل مطابق سپین کدی یورپ وچ پہلے اسلامی مرکز دی حیثیت رکھدا سی پر سپین توں مسلماناں نوں کڈھے جان پچھوں اسلام ہولے ہولے ایتھے ختم ہوندا گیا۔ مسلماناں نوں سپین توں کڈھ دتا گیا تے اسلامی شعائر اُتے پابندی لا دتی گئی۔ سپین وچ اذان دین اُتے پابندی سی پر ویلے نے اپنے آپ نوں مُڑ اوس ویلے دُہرایا جدوں سپین دے شہر غر ناطہ دے الحمبرا محل وچ اک وار فیر اللہ اکبر دی صدا گونجن لگی۔
انج اودوں ہویا جدوں شام توں تعلق رکھن والے نوجوان معاذ نے محل وچ کھلو کے اذان دینی شروع کر دتی۔ پنج سو ورھیاں بعد ایہ پہلا موقع سی کہ سپین دی فضا اذان دی صدا نال معطر ہو رہی سی۔ چیتے رہوے کہ الحمبرا محل سپین وچ مسلم حکمراناں دی نشانی اے۔
