پاکستان توں آن والے افغان مہاجراں دیاں زندگیاں نوں خطرا اے: امدادی تنظیماں

کابل(پاکستان پوائنٹ نیوز23۔اگست 2016ء) امدادی تنظیماں نے خبردار کردے ہوئے آکھیا اے کہ پاکستان توں واپس آن والے افغان مہاجراں نوں خطرناک نتیجے بھگتنے پے سکدے نیں۔ انج دے تھوڑے ای افغان مہاجرین نیں جہناں نوں امداد دِتی جا رہی اے۔ میڈیا رپورٹ دے مطابق غیر سرکاری تنظیم نارویریفیوجی کونسل (این آر سی) دے سربراہ کیٹ اورور نے اک بیان وچ آکھیا اے کہ پاکستان توں آن والے مہاجراں نوں فوری امداد دی لوڑ اے۔ جے اوہناں نوں امداد نہ دِتی گئی تے اوہناں نوں بہت ساریاں اوکڑاں دا سامنا کرنا پے سکدا اے۔