پاکستان دے حق وچ بیان ، بھارتی اداکارہ خلاف بغاوت دا مقدما درج

نویں دِلی(پاکستان پوائنٹ نیوز23۔اگست 2016ء) پاکستان دے حق وچ بیان دینا بھارتی ادارکارہ نوں مہنگا پے گیا۔ تفصیل دے مطابق اداکارہ رامیا نے پاکستان وچ سارک ینگ پارلیمنٹیرینز کانفرنس وچ رلت کیتی سی جہدے وچ اوہناں نے آکھیا سی کہ پاکستان جہنم نہیں اے۔ رامیا دا کہنا سی کہ پاکستان وچ موجود لوک ساڈے ورگے ای نیں۔یاد رہوے کہ اوہناں نے ایہ بیان بھارتی دفاع وزیر دے پاکستان خلاف بیان دے بعد دِتا سی جہدے وچ اوہناں نے آکھیا سی کہ پاکستان جانا جہنم وچ، جان والی گل ٹھیک نہیں اے۔