ریاض(پاکستان پوائنٹ نیوز26۔اگست2017ء) مسجد الحرام و مسجد نبوی شریف دی جنرل پریذیڈنسی دے سربراہ اعلا شیخ ڈاکٹر عبدالرحمن السدیس نے واضح کیتا اے کہ مسجد الحرام دی توسیع دا منصوبہ غور ہیٹھ اے، حرم شریف دیاں کئی منزلاں وڈیریاں تے متھاج بندیاں لئی رکھیاں جان گیاں، حرم شریف دے باہرلے صحناں تے مطاف اُتے یوہیکل سائبان لائے جان گے۔سعودی ابلاغ وسیلیاں مطابق اوہناں نے اک سوال دے جواب وچ آکھیا کہ سعودی عرب دنیا دی کسے وی طاقت نوں حج دا ماحول خراب کرن دی اجازت نہیں دیوے گا۔
اوہناں دا کہنا سی کہ ایتھے کسے وی بندے نوں سیاسی نعرے دی اجازت نہیں ہوئے گی۔ حج دا فریضہ ادا کرن دا حق سارے مسلماناں دا اے۔ ایہدے وچ کسے نال کوئی فرق نہیں ورتیا جاندا۔ اوہناں نے دسیا کہ الحرام تے مسجد نبوی شریف دے 400بوہے زائرین لئی کھولے جان گے۔ ایتھے جدید کیمرے وی لگے نیں۔ اوہناں نے اک سوال دے جواب وچ آکھیا کہ آب زمزم دی فراہمی دا منصوبہ وی غور ہیٹھ اے۔ اک کمیٹی نے سفارش کیتی اے کہ سعودی عرب دے مختلف علاقیاں تے شہراں وچ آب زم زم ونڈن لئی بغیر منافع والے کاؤنٹر قائم کیتے جان۔
