ماسکو(پاکستان پوائنٹ نیوز24۔اگست2017ء) امریکی صدر ڈونلڈ ٹرمپ ولوں پاکستان نوں دھمکی دتے جان مگروں روس وی پاکستان دی حمایت وچ میدان وچ آگیا۔ روسی صدر دے ترجمان دا کہنا اے کہ پاکستان اُتے ضرور ت توں ودھ دباء پان نال خطے دی مجموعی سکیورٹی صورتحال اُتے منفی اثر پئے گا۔ غیر ملکی میڈیا مطابق چین دے بعد روس نے وی امریکی صدر دے الزاماں نوں رد کردے ہوئے پاکستان دی حمایت وچ آواز چُکی اے۔
روسی صدارتی ترجمان ولوں جاری بیان وچ آکھیا گیا اے کہ پاکستان دے مسئلے دے حل لئی پاکستان دا کردار بہت اہم اے۔ پاکستان اُتے ضرورت توں ودھ دباء پان نال خطے دی مجموعی سکیورٹی صورتحال اُتے منفی اثر پئے گا جدکہ خطے وچ کسے وی قسم دی بھاجڑ چنگی نہیں ہوئے گی۔ ایس توں پہلے امریکی صدر دے بیان اُتے چینی وزارت خارجا نے وی پاکستان دی حمایت وچ بیان دتا سی۔
