نطاقات وچ تبدیلی کارن سعودی عرب نے 2016وچ 63فیصد ملازماں دے ویزے رد کیتے

سعودی عرب(پاکستان پوائنٹ نیوز19۔جولائی 2017ء) سعودی عرب دی وزارت لیبر نے آکھیا کہ 2016وچ اوہناں نے 63فیصد ملازماں دے ویزے رد کیتے۔ سعودی گزٹ مطابق سالہوار رپورٹ وچ وزارت داخلا نے آکھیا اے کہ پچھلے ورھے 849,228وچوں صرف 316,212ملازماں نوں ویزے دتے گئے۔ ریاست تن ستمبر نوں ست کمپنیاں لئی نطاقات دے نویں قانون لیائے گی۔ رائٹرز نے اپنی رپورٹ وچ آکھیا اے کہ سعودی حکومت نطافات دے کُجھ نویں اصول متعارف کروان والی اے کیونکہ ریاست نوں کئی کاروباری کمپنیاں لئی اعلا معیار دے کارکناں دی ضرورت اے تے ایس مقصد لئی ملازماں دے چناؤ دا طریقا کار ہور سخت کیتا جائے گا۔