ازبکستان: اک توں ودھ ویاہ کرن والیاں خلاف کریک ڈاﺅن

تاشقند(پاکستان پوائنٹ نیوز18۔جولائی2017ء) وسطی ایشیا دے ملک ازبکستان وچ اک توں ودھ ویاہ کرن والیاں خلاف کریک ڈاﺅن شروع کر دتا گیا۔ غیر ملکی خبر رساں ادارے مطابق ازبکستان وچ جھیڑا اوس ویلے شروع ہویا جدوں وزارت انصاف دی اک اہلکار دلہار یقوبووف نے ان پڑھ مولویاں اُتے الزام لایا کہ اوہ ویاہ دیاں غیر رسمی رسماں ادا کر رہے نیں۔ دلہار یقوبووف نے ایہ بیان مشہور ٹی وی ٹاک شور دوران دتا تے ایسے شو دوران پروفیسر دلفوزا رحمت اللہ یوا نے دعوا کیتا اے کہ مسلم اکثریتی ملک وچ اک توں ودھ ویاہ کرن والے لوکاں دی گنتی وچ وادھے دی وجہ مذہبی آزادی دا مُڑپنگرنا اے۔ چیتے رہوے کہ اک توں ودھ ویاہ کرن دے معاملے اُتے جاری بحث وچ شدت آ گئی اے۔