جدہ(پاکستان پوائنٹ نیوز18۔جولائی2017ء) سعودی کابینا نے آکھیا اے کہ قطر جدوں تیکر خلیجی عرب ملکاں دے سارے مطالبے، جہناں دی گنتی تیرھاں اے پورے نہیں کرے گا اوس ویلے تیکر اوہدے خلاف اقدامات جاری رہن گے۔ غیر ملکی میڈیا مطا بق سعودی کابینا دا اجلاس ساحلی شہر جدہ وچ شاہ سلمان بن عبدالعزیز دی صدارت ہیٹھ ہویا۔ اجلاس دوران اوہناں کابینا نوں امریکی صدر ڈونلڈ ٹرمپ نال فون اُتے ہون والی گل بات بارے دسدے ہوئے۔
اوہناں دا کہنا سی کہ ٹرمپ نال ہون والی گل بات دوران اوہناں عالمی دہشت گرد تنظیم ’داعش‘ نوں ختم کرن لئی جنگ وچ سارے ملکاں دا ساتھ دین دا آکھیا اے۔ شاہ سلمان نے کابینا نوں عراقی وزیر اعظم حیدر العبادی نال فون اُتے ہون والی گل بات بارے وی دسیا۔ اوہناں عراقی وزیر اعظم نوں شمالی شہر موصل وچ داعش خلاف عراقی سکیورٹی فورسز دی فتح اُتے مبارکباد دتی۔ اوہناں نے امریکی وزیر خارجا ریکس ٹیلرسن نال اپنی پچھلے دِنا ہون والی ملاقات بارے وی کابینا نوں دسیا۔
