بھارت نال جھیڑا: چین نے تبت وچ فوجی مشقاں شروع کر دتیاں

بیجنگ(پاکستان پوائنٹ نیوز17۔جولائی2017ء) قومی ابلاغ وسیلیاں مطابق بھارت نال سرحدی علاقے دے جھیڑے مگروں ہن چینی فوجیاں نے تبت وچ گولا بارود ورتن دیاں مشقاں وچ حصہ لینا شروع کر دتا اے۔ چین دے مرکزی ٹیلی ویژن مطابق چینی فوج دا اک مکمل تے لیس دار عملا فوجی مشقاں وچ بارود تے ڈیجیٹل ڈیوائس دے استعمال دی تربیت حاصل کر رہیا اے۔ ٹیلی ویژن اُتے چلائے گئے دو منٹ دے مشقاں دے کلب وچ ویکھیا گیا کہ چینی فوجیاں نے مارٹر گولیاں، مشین گناں تے راکٹ لانچراں نال دشمن دے ٹارگٹ اُتے حملا کیتا۔ اوہناں نے دشمناں دے جہازاں نوں مار ڈِگان لئی ائر ڈیفنس ریڈار دی ورتوں نال اینٹی کرافٹ گن توں فائر کیتا۔ پر رپورٹ وچ ایہناں مشیناں دی تھاں تے ویلے بارے کوئی تفصیلاں نہیں دتیاں گئیاں۔ عینی شاہد مطابق مشقاں دا نظارا بھارت لئی کسے وارننگ توں گھٹ نہیں لگدا۔