نویں دِلی(پاکستان پوائنٹ نیوز13۔جولائی2017ء) بھارتی میڈیا دا کہنا اے کہ سشما سوراج دے ٹویٹ مگروں پاکستان نے کلبھوشن یادیو دی ماں نوں ویزا دین بارے شروع کر دتا اے۔ جمعرات نوں بھارتی میڈیا مطابق پاکستان نے آخیر سشما سوراج دے ٹویٹ مگروں کلبھوشن یادیو دی ماں نوں ویزا دین بارے غور شروع کر دتا اے۔ چیتے رہوے کہ تن دن پہلے بھارتی وزیر خارجا سشما سوراج نے ٹویٹر اُتے اپنے بیان وچ آکھیا سی کہ پاکستان نے اجے تیکر کلبھوشن دی ماں نوں ویزا جاری نہیں کیتا۔
سشما نے آکھیا سی کہ اوہناں نے ذاتی طور اُتے پاکستانی مشیر خارجا سرتاج عزیز نوں ایس حوالے نال خط لکھیا اے۔ ایس توں پہلاں پاکستانی دفتر خارجا دے ترجمان نفیس زکریا نے ہفتہ وار بریفنگ دوران اک سوال دے جواب وچ آکھیا سی کہ کلبھوشن یادیو دی ماں نوں ویزا دین بارے غور کر رہے آں۔
