ریاض(پاکستان پوائنٹ نیوز14۔جولائی2017ء) سعودی عرب دے صوبے جازان وچ متعین مملکت دی فوج نے بدھ دی رات عسکری کارروائیاں کردے ہوئے یمن دے ضلع حرض وچ حوثی ملیشیا تے معزول صدر صالح دے پاسدران دے ٹھکانیاں نوں نشانا بنایا۔ ذکر کیتا گیا یمنی علاقہ سعودی عرب دی سرحد توں 9کلو میٹر دور اے۔ غیر ملکی خبر رساں ادارے مطابق یمنی باغیاں دی سعودی سرحد ول آوا جاوی تے نظر مگروں سعودی فوج نے توپ خانیاں راہیں ہتھیار بند بندیاں نوں نشانا بنایا۔
سعودی سرحد ول پیش قدمی توں پہلاں باغی ملیشیاواں نے کئی راکٹ سُٹے جو غیر آباد علاقیاں وچ ڈِگے۔ عسکری وسیلیاں نے تصدیق کیتی اے کہ سعودی فوج دی کارروائی دوران یمنی ملیشیا دے 20توں ودھ ارکان نوں ہلاک کیتا گیا جدکہ کئی جنجگو زخمی وی ہوئے۔ ایس توں وکھ یمنی ملیشیا دے کئی اہم ٹھکانیاں نوں نشانا بنایا۔
