نویں دِلی(پاکستان پوائنٹ نیوز29۔جون2017ء) بھارتی ریاست مغربی بنگال دے شہر دار جیلنگ وچ علیحدگی دی تحریک ہور زور پھڑ گئی، شہر بھر وچ مکمل ہڑتال، سارے سکول و دُکاناں بند۔ بھارتی میڈیا مطابق ریاست مغربی بنگال دے شہر دارجیلنگ وچ وکھ ہون دی تحریک ہور زور پھڑ گئی اے۔ دارجیلنگ وچ پرتشدد احتجاج دا سلسلا دو ہفتیاں توں جاری اے۔ بال گلے وچ زنجیر پا کے بھارتی حکومت خلاف احتجاج کر رہے نیں۔
دار جیلنگ دے شہری وکھ ملک ’گورکھا لینڈ‘ ا مطالبا کر رہے نیں۔ شہر وچ مکمل ہڑتال اے۔ سارے سکول تے دُکاناں بند نیں۔ مودی سرکا رنے وکھ ہون دی تحریک نوں دبان لئی انٹرنیٹ دی سہولت معطل کیتی ہوئی اے۔ دار جیلنگ وچ علیحدگی پسند رہنما گورکھا جانموتی مورچا دا کہنا اے جدوں تیک حکومت تشدد توں باز نہیں آئے گی اسیں کسے قسم دے مذاکرات نہیں کراں گے۔ چیتے رہوے کہ ایس ویلے بھارت اندر تقریبن 27دے نیڑے علیحدگی دیاں تحریکاں چل رہیاں نیں۔ آسام توں وکھ مقبوضہ کشمیر، مانی پور، میگھا لیا، ناگا لینڈ تے خالصتان وچ وکھ ہون دیاں تحریکاں جاری نیں۔
