نیویارک(پاکستان پوائنٹ نیوز24۔جون2017ء) اقوام متحدہ نے خبردار کیتا اے کہ دنیا دی مجموعی آبادی 2050تیک 9ارب 80کروڑ تیکر پہنچ جائے گی، پوری آبادی دا 50فیصد پاکستان سنے 10ملکاں وچ آباد ہوئے گا۔ اقوام متحدہ دی رپورٹ مطابق دنیا دی موجودا آبادی 7ارب 60کروڑ اے جو 2030تیکر 8ارب 60کروڑ تیکر پہنچ جائے گی۔ 2050تیک مجموعی آبادی 9ارب 80کروڑجدکہ ایس صدی دے آخیر تیکر ایہ 11ارب توں ودھ جائے گی۔
اک اندازے مطابق آبادی وچ ہر سال 8کروڑ 30لکھ دا وادھا ہو رہیا اے۔ رپورٹ وچ آکھیا گیا اے کہ 233ملکاں دی آبادی دا ادھ صرف دس ملکاں وچ آباد اے۔ ایہناں دس ملکاں وچ بھارت، نائیجریا، کانگو، پاکستان، ایتھوپیا، تنزانیہ، امریکا، یوگونڈا تے انڈونیشیا شامل نیں۔ رپورٹ مطابق 2024تیک بھارت چین نوں آبادی دے لحاظ نال پچھانہ چھڈ کے دنیا دا سبھ توں وڈا آبادی والا ملک بن جائے گا۔
