کابل (پاکستان پوائنٹ نیوز13۔اگست 2016ء) افغان طالبان نے پاکستانی ہیلی کاپٹر دے عملے نوں چھڈ دِتا۔ افغان میڈیا دے مطابق طالبان نے پاکستانی ہیلی کاپٹر دے عملے نوں چھڈ دِتا اے۔ ہیلی کاپٹر دے عملے نوں پچھے دیہاڑے کرم ایجنسی اُتے حکام دے حوالے کیتا گیا۔ دوجے پاسے پاکستانی انٹیلی جنس ایجنسیاں نے وی عملے دی رہائی دی تصدیق کردِتی اے۔پاکستان دے سرکاری وسیلیاں نے دسیا اے کہ عملے دے چھ ارکان خیرت نال نیں، عملے دے ارکان نوں قبائلی بزرگاں وچکار مذاکرات دے بعد رہا کروایا گیا۔
یاد رہوے کہ چالو مہینے چار اگست نوں پنجاب حکومت دا ہیلی کاپٹر افغانستان دے رستے روس جا رہیا سی کہ افغانستان دے علاقے لوگر وچ کریش لینڈنگ ہوئی جہدے بعد ہیلی کاپٹر نوں اگ لگ گئی۔ افغان طالبان نے پاکستانی ہیلی کاپٹر دے عملے نوں یرغمال بنا لیا جہنوں ہُن چھڈ دِتا گیا اے۔
