بیجنگ: بارشاں پاروں 34 سیاحتی مقام بند کر دِتے گئے

بیجنگ (پاکستان پوائنٹ نیوز13۔اگست 2016ء) شمالی مشرقی بیجنگ وچ ڈاڈھیاں بارشاں پاروں 34 سیاحتی مقاماں نوں سیاحاں لئی بند کر دِتا گیا اے۔ تفصیل دے مطابق می یون ضلع وچ 200-2 ملی میٹر بارش ریکارڈ کیتی گئی اے، جہدے نقصان تے حادثیاں توں بچن لئی مقامی حکام نے الرٹ جاری کیتا اے۔ جدکہ2700 پنڈاں دے واسیاں اوتھوں کڈھ لیا گیا اے جدکہ 8100 بندے سیلاب توں بچاؤ لئی شہریاں دی مدد کر رہے نیں، بیجنگ دے شمالی مشرقی ضلع لئی ہور بارشاں دی وی پیشنگوئی کیتی گئی اے جدکہ پہاڑی علاقیاں وچ سیلاب نال تباہی کِھلرن دا خدشا وی ظاہر کیتا گیا اے۔ بیجنگ دے ہور دو ضلعیاں پنگ ڈو تے فانگ شان لئی وی طوفانی بارشاں پاروں الرٹ جاری کیتا گیا اے۔