واشنگٹن(پاکستان پوائنٹ نیوز29۔مئی2017ء) سعودی فرمانروا شاہ سلمان نے امریکی صدر ڈونلڈ ٹرمپ نوں سعودی تواریخ دے سبھ توں مہنگے تحفے دتے نیں۔ غیر ملکی میڈیا مطابق ٹرمپ نوں شاہ سلمان ولوں پیش کیتے گئے تحفیاں وچ قیمتی تے نایاب ہیرا، خالص سونے نال تیار کیتا گیا گن جہدے اُتے شاہ سلمان دی تصویر نقش اے، 25کلو وزنی خالص سونے نال تیار کیتی گئی تلوار جہدے اُتے ہیرے تے ہور نادر قسم دے پتھر تے جواہر نصب نیں تے اوہدی قیمت 20کروڑ ڈالر اے۔
سونے تے ہیریاں نال تیار 25گھڑیاں جہناں دی قیمت 20کروڑ ڈالر اے۔ ہیرے تے جوہرات نال سجے 150توں ودھ عبایہ، مجسمہ آزادی دا ہم شکل نِکا مجسمہ جو ہیرے تے جواہرات نال بنایا گیا سی۔ 80کروڑ ڈالر دی قیمتی کشتی جو 125میٹر لمی اے تے ایہ کشتی دنیا دی سبھ توط لمبی ذاتی کشتی اے جہدے وچ 80عام کمرے تے 20شاہی کمرے نیں۔ایس توں وکھ سعودی دارالحکومت ریاض وچ موجود سبھ توں وڈی سڑک دا ناں ڈونلڈ ٹرمپ دے ناں توں رکھ دتا گیا اے۔ایس سڑک دے شروع تے مجسمہ وی ڈونلڈ دا لایا گیا اے۔
