(پاکستان پوائنٹ نیوز24۔مئی2017ء) مائیکرو بلاگنگ ویب سائٹ ٹویٹر اُتے اک نامعلوم اکاﺅنٹ توں ٹویٹ جاری ہویا، ٹویٹ دے چار گھنٹیاں مگروں مانچسٹر وچ دہشت گردی دا واقعہ ہویا۔ تفصیل دے مطابق ایس ٹویٹ راہیں برطانوی شہر مانچسٹر وچ ہون والے حملے بارے خبردار کیتا گیا سی جدکہ حیران کن گل تے ایہ اے کہ ایس ٹویٹ نال دہشت گرد تنظیم داعش دا جھنڈا وی لایا گیا۔
’ڈیلی ایکسپریس‘ مطابق پیر دی شام 6وجکے 32منٹ اُتے اک ٹویٹ کیتا گیاجہدے وچ آکھیا گیا کہ ’کیہ تُسیں لوک ساڈی دھمکی بُھل گئے؟ ایہ اے منصفانہ دہشت گری‘ذکرکیتے گئے ٹویٹ توں چار گھنٹیاں مگروں ای برطانیا دے شمالی شہر مانچسٹر وچ امریکی گلوکارا آریانا گرینڈے دے کنسرٹ وچ دھماکا ہو گیا، دھماکے دے نتیجے وچ 22بندے ہلاک تے 59زخمی ہوئے۔ ایتھے ایہ گل ذکر جوگ اے، بھاویں داعش تنظیم نے ایس حملے دی ذمے واری قبول کرن دا اعلان نہیں کیتا پر سوشل میڈیا اُتے داعش دے حامیاں نے دہشت گردی دی ایس کارروائی نوں چنگا کم آکھیا اے۔
