ریاض(پاکستان پوائنٹ نیوز05۔مئی2017ء) شہزادہ سلیمان بن عبدالعزیز نے جمعرات دے دیہاڑے سوانیاں لئی اک شاہی حکم ناما جاری کر دتا۔ عرب نیوز دیاں تفصیلاں مطابق ایس نویں حکم نامے مگروں ہن سوانیاں نوں سرکاری سروسز حاصل کرن لئی اپنے سرپرست مرد حضرات دی اجازت دی لوڑ نہیں ہووے گی سوائے اوہناں مسئلیاں دے جہناں وچ اسلامی شریعیت دے مطابق سوانیاں نوں اپنے سرپرست دی اجازت و مشورے دی لوڑ ہوندی اے۔
انسانی حقاں دے کمیشن دے صدر بندر بن محمد العبین نے ایس نویں اقدام نوں سلاہندے ہوئے آکھیا کہ ایہ اقدام کنگ سلیمان دیاں انسانی ہمدردیاں دا مونہوں بولدا ثبوت اے جدکہ سوانیاں جو کہ سعودی عرب دی آبادی دا ادھ نیں اوہ ملکی ترقی وچ اہم کردار ادا کردیاں نیں۔ ایس توں وکھ اعلان نوں انسانی حقاں دیاں تنظیماں نے سلاہندے ہوئے آکھیا اے کہ اپنے سرپرست توں اجازت لےنا سوانیاں دے نوکری کرن وچ اک وڈی رکاوٹ سی۔
