ریاض(پاکستان پوائنٹ نیوز02۔مئی2017ء) انج تے دنیا دے کونے کونے توں لکھاں مسلمان ہر سال حج و عمرہ کرن لئی بیت اللہ جاندے نیں پر ایس زمین اُتے چار ملک اجیہے نیں جتھوںوڈی گنتی وچ لوک عمرہ کرن لئی حجاز مقدس جاندے نیں۔ عرب ٹی وی دے مطابق عمرہ دی سعادت حاصل کرن والے پہلے نمبر دے چار مسلمان ملکاں وچ پاکستان پہلے نمبر اُتے اے۔پاکستان توں تعلق رکھن والے عمرہ کرن جان والے وڈھیری عمر دے مسلماناں دی گنتی 23.53فیصد دسی گئی ایسے طرحاںبھارت توں 15.23فیصدانڈونیشیا توں 9.35فیصد تے مصرتوں7.92فیصد لوک آﺅندے نیں۔
سعودی وزارت حج دی مدینہ منورہ برانچ توں جاری رپورٹ وچ آکھیا گیا کہ چال وورھے عمرہ سیزن وچ مجموعی طور اُتے 5,034,814لوک پہنچے۔ ایہناں وچوں 42لکھ 53ہزار 174عازمین عمرہ ہوائی جہاز راہیں عمر ے لئی گئے۔سیکرٹری حج و عمرہ محمد البیجاوی دا کہنا سی کہ مدینہ منورہ دی حد وچ آن والے عازمین نوں سہولتاں دین لئی ٹیماں بنا دتیاں گئیاں نیں جو زائرین بیت اللہ و روضہ رسول اُتے حاضری دین والے پروہنیاں دیاں لوڑاں نوں پوریاں کرن وچ اوہناں دی مدد کرن گے۔
