شارجہ ائر پورٹ : شاہین ائر لائن دے جہاز دی غلط اُڈان دا انکشاف

شارجہ(پاکستان پوائنٹ نیوز02۔مئی2017ء) شارجہ ائر پورٹ توں شاہین ائر لائن دے جہاز دی غلط اُڈان دا انکشاف ہویا اے۔ تفصیل دے مطابق خلیجی رسالے ’خلیج ٹائمز‘ دی رپورٹ وچ اک تشویشناک انکشاف کیتا گیا اے۔ رپورٹ وچ دسیا گیا اے کہ 2015وچ پاکستانی نجی ائر لائن ’شاہین ائر لائن‘ دے جہاز نے شارجہ ائر پورٹ توں غلط اُڈان بھری سی۔ ایہ واقعہ 24ستمبر، 2015نوں پیش آیا سی۔ شارجہ توں پشاور جان والی شاہین ائر دی اُڈان ایس اے 1791نے شارجہ ائر پورٹ اُتے رن وے دی بجائے ٹیکسی وے توں اُدان بھر لئی سی۔ ایس واقعے دے ہون ویلے ائر کنٹرولر ولوں وی کوئی وی ردعمل ساہمنے نہیں آیا۔ ہن 2ورھیاں مگروں ایس سارے واقعے دی انکوائری مکمل کر کے رپورٹ جاری کر دتی گئی اے۔