راجھستان(پاکستان پوائنٹ نیوز29۔مارچ2017ء) بھارتی ریاست راجھستان وچ 13ورھیاں دی کُڑی نوں اوہدے 8اُستاد 18مہینے جنسی زیادتی دا نشانا بناندے رہے۔ تفصیل دے مطابق پولیس سٹیشن وچ 13ورھیاں دے کُڑی دے ماں پیو نے ایف آئی آر درج کروائی، ایف آئی آر وچ دسیا گیا کہ متاثرا کُڑی نوں حاملا ہون مگروں اوہدے حمل نوں ڈِگان لئی دوائیاں کھان اُتے مجبور کیتا جاندا سی۔
پولیس افسر نے دسیا کہ اسیں 8بندیاں خلاف ایف آئی آر درج کر لئی اے۔ سارے بندے نجی سکول وچ اُستاد نیں۔ ملزماں خلاف جنسی جرائم دے تحت مقدما درج کیتا گیا اے۔ متاثرا کُڑی دے پیو نے دسیا کہ سکول ٹیچر نے اوہنوں 12اپریل 2015نوں سکول وچ طلب کیتا تے اوہدیاں ننگیاں تصویراں بنائیاں۔ جہدے مگروں اوہناں نے میری دھی نوں زیادتی دا نشانا بنایا تے کسے نال وی گل کرن بارے خبردار کیتا۔ ملزماں نے سچ دسن اُتے میری دھی نوں جان توں مارن دی دھمکی وی دتی۔ ایہ معاملا تن مہینے پہلے ساہمنے آیا جدوں متاثرا کُڑی دی طبیعت وِگڑی تے اوہدے ڈاکٹری معائنے دی رپورٹ وچ ایہ گل ساہمنے آئی کہ کُڑی نوں بلڈ کینسر اے۔
