واشنگٹن(پاکستان پوائنٹ نیوز28۔مارچ2017ء) امریکا دے اک تھنک ٹینک نے آکھیا اے کہ بحیرا جنوبی چین وچ چین ولوں بنائے گئے عسکری بنیادی ڈھانچے دے مکمل ہون مگروں لگدا اے کہ چین کسے ویلے وی اوتھے جنگی جہاز تے ہور فوجی سامان نصب کر سکدا اے۔ وائس آف امریکا دے مطابق واشنگٹن سینٹر آف سٹرٹیجک اینڈ انٹرنیشنل سٹڈیز نال جُڑی دی ایشیا میری ٹائم ٹرانسپرنسی ایٹوو دا کہنا سی کہ سپار ٹلے جزائر وچ فیئری کراس، سوبی تے میسچیف ریفنس وچ شامل بحری، فضائی، راڈار تے دفاعی سہولتاں اُتے کم کیتا جا رہیا اے۔
تھنک ٹینک نے سیٹیلائٹ توں چالو مہینے لتیاں جان والیاں تصویراں نوں مُکھ رکھدے ہوئے دسیا کہ فیئری کراس تے سوبی وچ راڈازدے نویں انٹینے نظر آ رہے نیں۔ تھنک ٹینک دے ڈائریکٹر گریگ پولنگ نے آکھیا کہ ایتھے تعیناتی ،آن والے ویلے وچ ویکھدی جا سکدی اے۔ چیتے رہوے کہ چین اوہناں پانیاں تے اوتھے موجود جزیریاں اُتے اپنی ملکیت دا دعوا کردا اے۔
