لندن: برطانوی پارلیمنٹ دے باہر حملا

لندن(پاکستان پوائنٹ نیوز22۔مارچ2017ء) لندن وچ برطانوی پارلیمنٹ دے باہر حملا ہویا اے۔ تفصیل دے مطابق برطانوی دارالحکومت لندن وچ واقع پارلیمنٹ ہاﺅس دے باہر حملا ہویا اے۔ غیر ملکی خبر رساں ادارے ولوں دسیا گیا اے کہ دو نامعلوم بندیاں ولوں پارلیمنٹ ہاﺅس دے باہر فائرنگ کیتی گئی اے، فائرنگ دے نتیجے وچ 12بندے زخمی ہوئے نیں۔ سکیورٹی فورسز دے مطابق اک دہشت گرد نوں جوابی فائرنگ وچ ہلاک کر دِتا گیا اے ۔سکیورٹی فورسز نے علاقے نوں گھیرے وچ لے لیا۔ دوجے پاسے پارلیمنٹ دی بلڈنگ بند کر دِتی گئی اے۔