چالو ورھے رمضان دا مہینہ 27مئی نوں شروع ہووے گا: سعودی عالم دین دی پیشنگوئی

جدہ(پاکستان پوائنٹ نیوز22۔مارچ2017ء) چالو ورھے رمضان دا مہینہ 27مئی توں شروع ہووے گا تے 29دن تک جاری رہوے گا۔ ایہ پیشنگوئی علماءکونسل دے عالم شیخ عبداللہ بن سلیمان المینی نے کیتی۔ سعودی گزٹ دیاں تفصیلاں مطابق چالو ورھے شعبان دا مہینہ جو کہ رمضان دے مہینے توں پہلے آﺅندا اے اوہ 30دِناں تک جاری رہوے گا۔ 27مئی توں شروع ہون والے روزے 24جون تک جاری رہن گے جدکہ نِکی عید 25جون ایتوار دے دیہاڑے ہون دا امکان اے۔ ایہدے نال نال اوہناں نے ایہ وی اعلان کیتا کہ ذوالج دا مہینہ 29دن تک جاری رہوے گا جو23 اگست توں شروع ہو وے گا جدکہ حج دا مہینہ 31اگست توں شروع ہووے گا تے وڈی عید پہلی ستمبر نوں ہووے گی۔ یاد رہوے کہ عالم دین نے ایہ پیشنگوئی آسٹرولوجی دے حساب مگروں کیتی اے۔