استنبول(پاکستان پوائنٹ نیوز22۔مارچ2017ء) کُجھ دن پہلے ترک نیوز کاسٹر دی اک ویڈیو سوشل میڈیا اُتے وائرل ہوئی سی جہدے وچ ترک نیوز کاسٹر نے اپنی منگیتر دی خاہش تے شرط دے مطابق اوہنوں حرم دے برآنڈے وچ خانہ کعبہ دے بلکل ساہمنے ویاہ دی پیشکش کردے ہوئے گوڈھیاں بھار بِہ کے انگوٹھی دِتی سی۔ ایہ ویڈیو ویکھدے ای ویکھدے سوشل میڈیا اُتے وائرل ہوئی پر سوشل میڈیا ورتیندڑاں ولوں اوہنوں ڈاڈھی تنقید دا نشانا بنایا گیا جس کارن نیوز کاسٹر نوں ذکر کیتی گئی ویڈیو نوں ہٹانا پے گیا۔
ایہو نہیں سوشل میڈیا ورتیندڑاں ولوں جوڑے نوں تنقید دا نشانا بنان اُتے نیوز کاسٹر نے اپنا اکاﺅنٹ وی بند کر دِتا اے۔ سوشل میڈیا ورتیندڑاں نے موقف اختیار کیتا کہ ترک نیوز کاسٹر نے خانہ کعبہ دے ساہمنے اپنی منگیتر نوں ویاہ دی پیشکش کر کے خانہ کعبہ دا تقدس پامال کیتا اے۔
