نویں دِلی(پاکستان پوائنٹ نیوز07۔مارچ2017ِء) بھارتی فوجیاں دی اپنی فوج تے انتظامیا خلاف شکایت دی اک ویڈیو آن دی دیر سی کہ اوہدے مگروں ایس طرحاں دیاںکئی ویڈیوز آ گئیاں جہناں وچ بھارتی فوجی جواناں نے فوجی اہلکاراں نوں دِتے گئے غیر معیاری کھانے سنے اہلکاراں نال افسراں دے مَندے سلوک بارے دسیا گیا۔ پچھلے دِنا ای اک ہور بھارتی فوجی اہلکار سندھ جوگی داس دا ویڈیو پیغام سوشل میڈیا اُتے وائرل ہویا اے جہدے وچ سنگھا جوگی داس نے دسیا کہ بھارتی فوجیاں نوں کھانا صرف زندا رہن لئی دِتا جاندا اے۔ فوج وچ بہت کُجھ غلط ہو رہیا اے کدوں تک چُپ رہواں گے؟ اپنے ویڈیو پیغام وچ بھارتی فوجی دا کہنا سی کہ جو وی ایہدے خلاف آواز چُکدا اے اوہنوں سزا دے طور اُتے وڈے افسراں دے گھراں وچ کم کرنا پیندا اے۔ جوگی داس نے ہور دسیا کہ سپاہیاں نوں فوج اندر ای آپس وچ لڑنا پیندا اے۔ انتظامیا خلاف بار بار آرمی چیف تے وزیر اعظم نوں خط لکھے پر کسے شکایت اُتے نظر نہیں ماری گئی۔ سوشل میڈیا اُتے بھارتی فوجی دی وائرل ویڈیو تُسیں وی ویکھو:
اک ہور بھارتی فوجی دی ویڈیو ساہمنے آگئی
بھارتی فوج نوں کھانا صرف زندا رہن لئی دِتا جاندا اے: سندھ جوگی داس دا ویڈیو پیغام
7 سال پچھے
