نویں دِلی(پاکستان پوائنٹ نیوز03۔مارچ2017ء) پچھلے کُجھ عرصے وچ بھارتی فوجی اہلکاراں دیاں ویڈیوز سوشل میڈیا اُتے بڑیاں وائرل ہوئیاں جہناں وچ بھارتی اہلکاراں نے بھارتی فوج وچ بے قاعدگیاں تے اہلکاراں نال کیتے جان والے مَندے سکول دی شکایت کیتی۔ ایہناں ویڈیوز دے ساہمنے آن مگروں بھارتی فوج دا پول کُھل کے ساہمنے آ گیا پر ہن ایہناں وچوں اک بھارتی فوجی دی لاش اوہدے اپنے ای بیرک توں برآمد ہوئی اے۔
بھارتی میڈیا نے دسیا کہ اہلکار میتھیودی لالی کنٹونمنٹ وچ تعینات سی جو کہ ہفتے توں ای چھٹیاں کر رہیا سی، لبھن اُتے میتھیو دی لاش اوہدی بریک توں برآمد ہوئی۔ میتھیو دی لاش برآمد ہون اُتے بھارتی آرمی نے تحقیقات دا حکم دے دِتا اے۔ پولیس دا کہنا اے کہ میتھیو دی لاش قبضے وچ لے کے تفتیش شروع کر دِتی گئی اے۔ تحقیقات مگروں ای پتا چل سکے گا کہ میتھیو نے خدکشی کیتی یاں اوہنوں قتل کیتا گیا۔دوجے پاسے بھارتی فوج وچ میتھیو دی موت مگروں ڈاڈھی تشویش پائی جاندی اے۔
