پاکستان دہشت گردی خلاف جنگ وچ فتح حاصل کرے گا: چینی وزارت خارجا

پجنگ(پاکستان پوائنٹ نیوز24۔فروری2017ء) چینی وزارت خارجا نے دنیا اُتے واضح کیتا اے کہ پاکستان دہشت گردی خلاف جنگ وچ فتح حاصل کرے گا، دہشت گردی خلاف پاکستانی حکومت دی حمایت جاری رکھاں گے، پاکستان وچ حالیا دہشت گرد حملیاں توں چین باخبر اے۔ ترجمان چینی وزارت خارجا گنگ شوانگ نے دہشت گرد حملیاں دے متاثراں تے اوہناںد ے خاندان نال ہمدردی تے ہرکھ دا وکھالا کیتا اے۔ ترجمان وزارت خارجا نے آکھیا کہ دہشت گردی دے خاتمے لئی پاکستان وچ اہم پیش رفت ہوئی اے۔ پاکستان نے دہشت گردی دے خاتمے لئی بھرپور کارروائیاں کیتیاں نیں۔ ترجمان نے ہور آکھیا کہ چینی حکومت پاکستانی لوکائی دے جان و مال دے تحفظ دیاں کوششاں وچ پاکستان دی حمایت جاری رکھے گی۔